Leturgerðir Lyfjastofnunar eru Avenir og Fira Sans. Avenir er sans serif leturgerð og á frönsku þýðir avenir; framtíð. Avenir er skýr en jafnframt hlýlegur textastíll sem passar sérstaklega vel við Fira Sans sem er notaður í allt lesmál.

Myndirnar eru bjartar og oft með skírskotun í einkennisliti Lyfjastofnunar. Þær eru lýsandi og jákvæðar en þó opnar til túlkunar og ekki stuðandi. Mannlega hliðin er áberandi.

Myndtáknin eru lýsandi og auka mannlegu tenginguna á spjöldum og öðru efni. Þau eru notuð til þess að hægt sé að skanna hraðar yfir efni og finna það sem er verið að leita eftir. Myndtáknin eru létt og leikandi, með mjúkum formum sem tala til notandans. Myndskreytingin er lýsandi fyrir dýnamískt upplýsingaflæði samtímans.

Litir eru mikilvægir til að einkenna vörumerkið og gefa réttan tón í myndmáli. Áhersla er á að litasamsetningar fylgi aðgengiskröfum í hvívetna því efni okkar á að vera aðgengilegt öllum.